Matthew 25

Umfanekiso wentombi ezilitshumi

1Ngalesosikhathi umbuso wamazulu uzafananiswa lentombi ezilitshumi ^a ezathatha izibane zazo zaphuma ukuhlangabeza umyeni ^b. 2Njalo ezinhlanu zazo ^c zazihlakaniphile ^d, lezinhlanu zaziyizithutha ^e. 3Eziyizithutha zathatha izibane zazo, kazithathanga amafutha kanye lazo ^f; 4kodwa ezihlakaniphileyo zathatha amafutha ezitsheni kanye lezibane zazo ^g. 5Kwathi umyeni esephuzile ^h, zawozela ⁱ zonke zalala ubuthongo ^j. 6Kodwa phakathi kobusuku kwamenyezwa ^k: Khangelani, umyeni uyeza, phumani liyemhlangabeza! 7Zasezivuka lezontombi zonke, zalungisa izibane zazo ^l. 8Eziyizithutha zasezisithi ^m kwezihlakaniphileyo ⁿ: Sipheni okwamafutha enu, ngoba izibane zethu ziyacitsha. 9Kodwa ezihlakaniphileyo zaphendula ^o, zathi: Hlezi angaseneli thina lani; kodwa kungcono ukuthi lihambe liye kwabathengisayo lizithengele ^p. 10Kwathi zisiyathenga, weza umyeni. Ezasezilungile zasezingena laye ^q emtshadweni ^r, kwasekuvalwa umnyango ^s. 11Kwathi emva kwalokho zafika lalezontombi ezinye, zathi: Nkosi, Nkosi, sivulele ^t! 12Kodwa yena waphendula wathi: Ngiqinisile ngithi kini: Angilazi lina ^u. 13Ngakho lindani ^v, ngoba kalilwazi usuku lehola iNdodana yomuntu efika ngalo ^w.

Umfanekiso wemali

14Ngoba ^x kunjengomuntu ^y owaya kwelinye ilizwe ^z wabiza inceku zakhe, wazinika impahla zakhe ^aa; 15kwathi enye wayinika amathalenta* amahlanu, lenye amabili, lenye lalinye, kwaba yileyo laleyo ^ab njengamandla ayo ^ac; njalo wahle wasuka ^ad. 16Leyo eyayemukele amathalenta amahlanu yasihamba yathengiselana ngawo, yenza amanye amathalenta amahlanu ^ae. 17Ngokunjalo laleyo elamabili, layo yazuza amanye amabili. 18Kodwa leyo eyayemukele elilodwa yasuka yagebha emhlabathini yayifihla imali yenkosi yayo. 19Kwathi emva kwesikhathi eside inkosi yalezozinceku yafika, yasilandiselana lazo ^af. 20Kwasekusiza eyayemukele amathalenta amahlanu yaletha amanye amathalenta amahlanu, yathi: Nkosi, wanginika amathalenta amahlanu; khangela, ngizuzile amanye amathalenta amahlanu phezu kwawo. 21Inkosi yayo yasisithi kiyo: Kuhle, nceku elungileyo lethembekileyo, ubuthembekile ezintweni ezinlutshwana ^ag, ngizakubeka phezu kwezinengi ^ah; ngena entokozweni yenkosi yakho ^ai. 22Kwasekusiza laleyo eyayemukele amathalenta amabili yathi: Nkosi, wanginika amathalenta amabili; khangela, ngizuzile amanye amathalenta amabili phezu kwawo. 23Inkosi yayo yathi kiyo: Kuhle, nceku elungileyo lethembekileyo, ubuthembekile ezintweni ezinlutshwana, ngizakubeka phezu kwezinengi; ngena entokozweni yenkosi yakho ^aj. 24Kodwa kweza laleyo eyayemukele ithalenta elilodwa yathi: Nkosi, bengikwazi wena ^ak ukuthi ungumuntu olukhuni, uvuna lapho ongahlanyelanga khona, njalo ubutha lapho ongahlakazanga khona ^al; 25ngasengisesaba, ngasuka ngalifihla ithalenta lakho emhlabathini; khangela, ulokwakho ^am. 26Kodwa inkosi yayo yaphendula yathi kiyo: Nceku embi lelivila ^an, ubusazi ukuthi ngivuna lapho engingahlanyelanga khona, njalo ngibutha lapho engingahlakazanga khona; 27ngakho ngabe ubekile imali yami ebhanga ^ao, njalo ekufikeni kwami ngabe ngemukele okwami lenzuzo. 28Ngakho mthatheleni ithalenta, lilinike yena olamathalenta alitshumi. 29Ngoba wonke olakho uzaphiwa, uzakwengezelelwa; kodwa ongelakho uzathathelwa lalokho alakho ^ap. 30Laleyonceku engasizi lutho iphoseleni emnyameni ongaphandle ^aq; kuzakuba khona lapho ukukhala lokugedla amazinyo ^ar.

Ukwahlulela kweNdodana yomuntu

31Njalo nxa isiza iNdodana yomuntu ngobukhosi bayo ^as, lengilosi ezingcwele zonke laye, khona izahlala esihlalweni sobukhosi sodumo lwayo ^at, 32kuzabuthelwa phambi kwayo izizwe zonke ^au, njalo izabehlukanisa abanye kwabanye ^av, njengomelusi ^aw esehlukanisa izimvu embuzini ^ax; 33ibisibeka izimvu ngakwesokunene sayo, kodwa imbuzi ngakwesokhohlo ^ay. 34Khona-ke iNkosi ^az izakuthi kubo abangakwesokunene sayo ^ba: Wozani, lina elibusisiweyo nguBaba, lidle ilifa ^bb lombuso ^bc eliwulungiselweyo ^bd kusukela ekusekelweni komhlaba ^be. 35Ngoba ngangilambile, langinika ukudla; ngangomile, langinathisa ^bf; ngangingowemzini ^bg, langemukela ^bh; 36ngangize, langigqokisa ^bi; ngangigula, leza ukungibona ^bj; ngangisentolongweni, leza kimi ^bk. 37Khona abalungileyo bezayiphendula, besithi: Nkosi, sakubona nini ulambile, njalo sakunika ukudla, kumbe womile, njalo sakunathisa? 38Njalo sakubona nini ungowemzini, futhi sakwemukela, kumbe uze, futhi sakugqokisa? 39Njalo sakubona nini ugula, loba usentolongweni, njalo seza kuwe? 40Futhi iNkosi izaphendula ithi kubo ^bl: Ngiqinisile ngithi kini: Njengoba likwenzile komunye walaba abazalwane bami abancinyane, likwenzile kimi ^bm. 41Ngalesosikhathi izakuthi njalo kubo abangakwesokhohlo: Sukani kimi, lina eliqalekisiweyo ^bn, liye emlilweni olaphakade ^bo, olungiselwe ^{bp , bq} udiyabhola ^br lengilosi zakhe ^{bs , bt}. 42Ngoba ngangilambile, kodwa kalinginikanga ukudla; ngangomile, kodwa kalinginathisanga; 43ngangingowemzini, kodwa kalingemukelanga; ngangize, kodwa kalingigqokisanga; ngangigula, ngangisentolongweni, kodwa kalizanga ukungibona ^bu. 44Khona lalaba bezamphendula, besithi: Nkosi, sakubona nini ulambile, loba womile, loba ungowemzini, loba uze, loba ugula, loba usentolongweni, kodwa kasakusiza ^bv? 45Isizabaphendula, ithi: Ngiqinisile ngithi kini: Njengoba lingakwenzanga komunye walaba abancinyane, kalikwenzanga lakimi ^bw. 46Lalaba bazakuya ekujezisweni okulaphakade ^bx; kodwa abalungileyo empilweni elaphakade ^by.